We too have feelings -Tamil story

March 25, 2025 by RRR ♥ 0 Leave a Comment

எங்களுக்கும் உணர்வு உண்டு!

We too have feelings! – An imaginary conversation between an entrance, welcome mat and slippers.

A short tamil story (conversation based) for older kids, teenagers, adults and people of all ages..

A whimsical and surreal scene outside an Indian Tamil house in an apartment. The entrance door, a welcome mat, and a pair of slippers all have express — The entrance door

READ

வாசல்

முடிவும் நானே! முதலும் நானே!

என்னைக் கடந்து செல்லாதவர் எவரும் இல்லை.

கண் சிமிட்டும் நேரத்திற்குள் தாண்டி செல்லும் மனிதர்களே..

நான் தனிமையில் வாடுகிறேன்!

சற்று திரும்பி பாருங்களேன்!

வரவேற்பு மிதியடி

வரவேற்பு அளிப்பேன்

கால் பதிக்க இடம் தருவேன்!

மாசு படிந்தால் தாங்குவேன்!

நற்சொல் கூறுவேன்!

வீட்டாரைப் பற்றி நல் எண்ணத்தைக் கொடுப்பேன்!

தந்தேன்! எல்லாம் தந்தேன்!

தந்தான்! மிதியடி என்ற பெயரைத் தந்தான்!

செருப்பு

நிழல் என வந்தேன்

அணிபவரது பாரத்தைத் தாங்க வந்தேன்

அவரைக் காக்கும் பாதுகையானேன்

தோற்றத்தை மெருகூட்டும் அலங்காரமானேன்

வெளிச்சத்தின் வருகையால் நீங்குகிறது நிழல்,

பயணம் அதன் முடிவால் நீங்குகிறது நான்.

என் தலை மேல் வைத்தேன், மனிதனை

அவனோ வீட்டிற்கு வெளியே வைத்தான் என்னை

REFLECT

இதைப் படித்த பின் இம்மூன்றைப் பற்றியும் உங்களது எண்ணங்கள் என்ன?

REINVENT

உங்கள் வீட்டில் இருக்கும் ஏதாவது ஒரு பொருளை அல்லது இடத்தைப் பற்றி வேறு கோணத்தில் சிந்தித்துப் பாருங்கள்!

கற்பனை பெருகும்! உங்கள் மனமோ வியந்து மகிழும்!

Also Read: A Butterfly and A Man -Story for All

A Butterfly and A Man -Story for All

March 23, 2025 by RRR ♥ 1 Comment

An imaginary conversation about life between the two

பட்டாம்பூச்சியும் மனிதனும்!

A medium-length story on a developing positive mindset for older kids, teenagers and people of all ages.

A Butterfly and A Man

READ!

பேராட்டம் அது உனக்குக் கை வந்த கலையோ! பட்டாம்பூச்சியே எப்போதும் மகிழ்ச்சியாய் உள்ளாயே! உன்னால் மட்டும் எப்படி இப்படி இருக்க முடிகிறது?

ஆஹா! நண்பனே நான் கடந்து வந்த பாதையை நீ அறிவாயா? அதற்கு முன்.. உன் முகத்தில் நீ அணிந்திருக்கும் கவலை எனும் முகமூடியை நீக்கிவிடு! சற்று சிரித்துத்தான் பாரேன்?

ஹா! ஹா! போதுமா?

இப்போது எப்படி உணர்கிறாய்?

மனத்திலுள்ள பாரம் குறைந்தது போல் உள்ளது.. ஏ.. என்ன இது? நான் உன்னிடம் கேள்வி கேட்டால் நீ என்னிடம் கேள்வி கேட்கிறாய்?

இரு. சற்று பொறு. உனது கேள்விக்கு நிச்சயம் பதிலுண்டு! முதலில் என் கேள்விக்குப் பதில் சொல்.

ஆமாம்! மனம் இலேசாக இருக்கிறது.

இருக்கிறதா? இதை, இதைத்தான் நான் நானும் கூற விரும்புகிறேன்.

சிரி, சிரித்தால்தான் மனம் இலேசாகும். துன்பமோ பறந்துவிடும். வருத்தம் என்பதற்கு இடமில்லை! வாழ்க்கையை எதிர்கொள்ள புத்துணர்ச்சி பிறக்கும். உனக்கு இன்னும் புரியும்படி கூறவா?

சரி.. இப்போது உன் மனம் இலேசானதால் உன் பெயர் மாறியதா? உன் வீடு? உனக்கு இருந்த பிரச்சனை? ஏதாவது மாறியதா?

இல்லை!

ஆனால், உன்னிடம் இப்போது நிம்மதியும் அமைதியும் இருக்கிறது. இதுவரை உனக்குக் கிடைத்துள்ளவற்றுக்கு நீ நன்றியுணர்வோடும் இருக்க பழகிக்கொள்ள வேண்டும். அப்போதுதான் எப்போதும் நிம்மிதியான, மகிழ்ச்சியான மனநிலையை உன்னால் பெற முடியும்! எல்லாம் நமது எண்ணத்தில் உள்ளது.

நாம் வீழ்வதும் எண்ணத்தாலே! உயர்வதும் எண்ணாத்தாலே! மனம் அதைப் பக்குவப்படுத்து! மனம் அதை சாந்தப்படுத்தி, மகிழ்ச்சியாக்கு!

கூட்டிலிருந்து நான் வெளிவர அரும்பாடுபட்டேனே! அதை அறிவாயோ நீ?

நம்பினேன். தனிமையிலிருந்து மீள்வேன் என்று. நம்பினேன். மேம்படுவேன் என்று. பல நாட்களின் தனிமை என்னை வாட்டியபோதும் தளரவில்லை! நம்பினேன், இச்சூழல் கற்றுத் தரும் பாடம் என்னை வாழ்வில் உயர்த்தும் என்று.

இன்று பார்த்தாயா? அழகிய உருவில் இருக்கின்றவாறு உன்னுடன் பேசுகிறேன்! விந்தை அல்லவா வாழ்க்கை! நண்பனே! பிரச்சனை வரும் போகும். ஆனால் என்றும் ஆக்கப்பூர்வமான எண்ணத்தைக் கொண்டிருந்தால், வாழும் காலம் தித்திக்கும்!

REFLECT…

இக்கதையைப் படித்தவுடன் உங்கள் மனத்தில் தோன்றும் எண்ணங்களை ஒரு தாளில் எழுதுங்கள்… உங்களைப் பாதித்த கருத்துகளைப் பற்றிச் சிந்தியுங்கள்..

REINVENT?

உங்கள் எண்ணங்களை எவ்வாறு மாற்றியமைக்கலாம் என்று நினைக்கிறீர்கள்? ஆக்கப்பூர்வமாக எல்லாச் சூழல்களிலும் உங்களால் செயல்பட முடியுமா?

முயன்றால் நிச்சயமாக முடியும்

Tamil short story on child going a park

March 22, 2025March 22, 2025 by RRR ♥ 0 Leave a Comment

பூங்காவுக்குப் போகலாம்!

Let’s go to the park!

Boy baby with Mother

READ!

ஒரு நாள் நான் அம்மாவோடு பூங்காவுக்குப் போனேன்.

அது என்ன மா?

அது செடி.

அதில் என்ன இருக்கிறது?

அதில் பூ இருக்கிறது!

பூ அழகாக இருக்கிறதே!

பூ மென்மையாக இருக்கிறதே!

பூவில் இதழ்கள் இருக்கின்றனவே!

ஆமாம் அம்மா!

எனக்குப் பூ பிடித்திருக்கிறது!

அதற்குப் பக்கத்தில் என்ன இருக்கிறது?

இதுவா?

இது இலை.

இலை பச்சை நிறத்தில் இருக்கிறது!

இலை விரிந்து இருக்கிறது!

அப்படியா அம்மா? அப்படி என்றால்?

கீழே கிடப்பது என்ன?

அதுவா? அதுவும் இலைத்தான்! காய்ந்த இலை!

காய்ந்த இலை பழுப்பு நிறத்தில் இருக்கிறது.

காய்ந்த இலை சுருங்கி இருக்கிறது.

சரி அம்மா!

One day I went to the park with my mum.

What is that mum?

That is a plant.

What is in it?

There is a flower in it.

Flower is beautiful!

Flower is soft!

There are petals on the flower!

Yes mother.

I like flower!

What is beside it?

This?

This is a leaf.

Leaf is green in colour,

Leaf is opened up.

Is it mum? If that’s so?

What is the thing lying below?

That?

That is also a leaf? Dried leaf!

Dried leaf is brown in colour.

Dried leaf has shrunken.

Ok mother.

REFLECT….

இந்தக் கதையிலிருந்து நீ கற்றுக்கொண்ட புதிய சொற்கள் யாவை?

பூங்கா, செடி, பூ, அழகாக, மென்மையாக, இதழ்கள், இலை, பச்சை, விரிந்து, காய்ந்த, பழுப்பு, சுருங்கி

What the new words that you have learnt from the strory?

Park, plant, flower, beautiful, soft, petals, leaf, green, opened up, dried, brown, shrunken

REINVENT?

நீ கற்றுக்கொண்ட சொற்களைக் கொண்டு வேறு வாக்கியங்களை உருவாக்கு.

Create different sentences using the words that you have learnt.

என் வீட்டிற்குப் பக்கத்தில் பூங்கா இருக்கிறது.

நான் தோட்டத்தில் செடி வளர்த்தேன்.

அவள் கடையிலிருந்து பூ வாங்கினாள்.

அந்தப் பெட்டி அழகாக இருக்கிறது,

குழந்தையின் கைகள் மென்மையாக இருக்கின்றன.

அவள் பூவின் இதழ்களை பறித்தாள்.

ஆடு இலையைத் தின்றது.

அவன் குப்பைகளைப் பச்சை நிற வாளியில் வீசினான்.

அப்பா தாளை விரித்து மேசையில் வைத்தார்.

பாட்டி துணிகளை காய வைத்தார்.

இந்த நாற்காலி பழுப்பு நிறத்தில் இருக்கிறது.

தாத்தாவுடைய தோல் சுருங்கி இருக்கிறது.

There is a park is beside my house.

I grew plants in the garden,

She bought flower from the shop.

That box is beautiful.

The baby’s hands are soft.

She plucked the petals of the flower.

Goat ate the leaf.

He threw the trash into the green pail.

Father opened up the paper and put on the table.

Grandmother dried the clothes.

This chair is brown in color.

Grandfather’s skin is shrunken.

Tamil story for kids- short story with follow up activities

March 21, 2025March 23, 2025 by RRR ♥ 0 Leave a Comment

READ!
எனக்கு வேண்டும்!

அம்மா எனக்குப் பந்து வேண்டும்!

எந்தப் பந்து வேண்டும்?

எனக்கு அந்தப் பந்து வேண்டும்!

எனக்கு உருண்டையான பந்து வேண்டும்!

எனக்குச் சிவப்பு நிற பந்து வேண்டும்!

இதோ நீ கேட்ட பந்து!

இல்லை எனக்கு இது வேண்டாம்!

ஏன்?

இது பெரியதாக இருக்கிறது!

எனக்குச் சிறிய பந்து தான் வேண்டும்!

ஹா ஹா ஹா!

I want!

Mother! I want a ball

Which ball do you want?

I want that ball!

I want a round ball!

I want a red ball

Here is the ball you asked for!

No, I don’t want it!

Why?

It is big

I want a small ball!

Hahaha!

REFLECT….

இந்த கதையின் மூலம் நீ கற்றுக்கொண்ட புதிய சொற்கள் யாவை?

எடுத்துக்காட்டுகள்: பந்து, உருண்டையான, சிவப்பு, பெரிய, சிறிய

What are some new words that you have learnt from this story?

Examples: Ball, Round, Red, Big, Small

REINVENT?

இந்தச் சொற்களைக் கொண்டு வேறு வாக்கியங்கள் எழுதவோ அல்லது கருத்துகளைக் கூறவோ உன்னால் முடியுமா?

எடுத்துக்காட்டுகள்:

– கடையில் பந்து இருக்கிறது.

– தக்காளி உருண்டையாக இருக்கும்.

– மிளகாய் சிவப்பு நிறத்தில் இருக்கும்.

– இந்தத் தட்டு பெரியதாக இருக்கிறது.

– அந்த எலி சிறியதாக இருக்கிறது.

Can you use these words to say or write different sentences ?

Examples:

There is a ball in the shop.

Tomato is round in shape.

Chili is red in colour.

This plate is big.

That mouse is small.